На 3'ти Јуни ..

[Davor_B]

1875. - Во Бугивал, во близина на Париз, умре Жорж Бизе, француски композитор, автор на познатата опера „Кармен“. Компонирал околу 50 соло-песни,една симфонија, свита и една увертира. Неговите опери „Иван Грозни“ и „Ловци на бисери“ (како и „Кармен„) се изведуваат на сите големи сцени во светот. Роден е во Париз, на 25.01.1838 година.


1899. - Во Виена умре Јохан Штраус - помладиот, австриски композитор, виолинист и диригент. Тој е творец на класичната виенска оперета, во која доминира валцерот. Најпознати негови дела се оперетите „Лилјакот“, „Циганскиот барон“, валцерите „На убавиот син Дунав“ и „Приказни од виенската шума“. Роден е во Виена, на 25.10.1825 година.


1935. - Францускиот брод „Нормандија“ постигна светски рекорд во брзина на пловење преку Атлантикот, преминувајќи го за четири дена и 11 часа.


1963. - Умре Назим Хикмет, пролетерски писател и револуционер, еден од
најголемите турски поети на 20 век. Ги напушти традиционалните форми и прв го воведе слободниот стих. Поради револуционерните идеи беше осуден на 28 години затвор, од кои одлежа 17 години. Ги напиша делата „Џоконда и Сијан“, „Следните тројца“ и „Зошто Бенерџи сакала да се убие“. Роден е на 20.01.1888 година.


1993. - Со одлука на Владата на Република Македонија, 18 август, денот на формирањето на баталјонот „Мирче Ацев“ во 1943 година, е прогласен за Ден на Армијата на Република Македонија.