29-ти Јуни

[Davor_B]

1798. - Во Реинати е роден Џакомо Леопарди, еден од најголемите италијански поети. Неговата поезија е израз на неговиот песимистички став кон човековото битисување. Во стих и во проза, тој создаде силен и помодерен јазичен израз. Главни негови дела се „Песни“ и „Дијалози и есеи“. Умре во Неапол, на 14.06.1837 година.


1917. - Кралството Грција ги раскина односите со Централните сили и застана на страната на Антантата. На таа одлука и претходеше истоварувањето на сојузничките трупи, што го забрза падот во прогерманската влада во Атина.


1939. - Извршен е првиот комерцијален лет преку Атлантикот. Авионот „Диск Клипер“ долета од САД на аеродромот во Лисабон, Потугалија.


1945. - Кај Радовиш, во сообраќајна несреќа загина Чеде Филиповски-Даме, народен херој на Македонија. Роден е во селото Никифорово, гостиварско, на 16.11.1923 година.


1990. - Од Ленинград во Скопје донесени се моштите на Димитрија Чуповски (македонски политичар, патриот, просветител, историчар, картограф, новинар...) и се положени во црквата „Свети Спас“.