29-ти Август

[Davor_B]

1289 - Основана е инквизицијата, суд на католичката црква за заштита на верата. Дејствуваше во средниот век во сите земји на Западна Европа, а особено крвава и немилосрдна беше озлогласената шпанска инквизиција. Многу напредни умови беа жртви на инквизицијата, како на пример Јан Хус, Џордано Бруно и други. Укината е во текот на 19 век.


1782 - Еден британски брод потона во близина на пристаништето Портсмут, во Велика Британија, и притоа се удавија повеќе од 1.000 патници и членови на екипажот.


1842 - Со склучувањето мир во Нинкинг заврши Англо-кинеската војна. Со тој мир на Англичаните им се отворија кинеските пристаништа и им беа дадени големи трговски привилегии, па Кина, по замешувањето и на другите велесили сосема падна под влијание на другите западни држави.


1862 - Во Гент е роден Морис Метрлинк, белгиски писател од фламанско потекло. Во првите песни е близок на симболистите, а подоцна на спиритизмот. Познати негови дела се: стохозбирката „Стаклена градина“, пиесата „Принцезата Мален“, драмите „Мона Вана“ и „Сина птица“. Во 1913 година ја доби Нобеловата награда за литература. Умре во Ница на 6.05.1949 година.


1915 - Во Стокхолм е родена Ингрид Бергман, една од најголемите филмски ѕвезди на Холивуд, од шведско потекло, чии остварувања се вбројуваат меѓу најголемите дострели на „седмата уметност“. Умре во Лондон на 29.08.1982 година.


1994 - Република Македонија и Република Унгарија воспоставија дипломатски односи на нови на амбасади.


1994 - Саудиска Арабија ја призна Република Македонија.