11-ти Септември

[Davor_B]

1941 - Претседателот на САД Франклин Рузвелт издаде наредба до американското воено воздухопловство и до морнарицата да отворат оган врз сите бродови на силите на Оската кои ќе влезат во водите на западната хемисфера. Тоа беше конечно американско раскинување со политиката на изолационизмот. САД отворено застанаа на страната на Велика Британија и на СССР, иако стапија во војна дури по јапонскиот напад врз Перл Харбур.


1944 - Струмичкиот партизански одред ја ослободи Струмица и околните села.


1944 - Ослободен е Ресен.


1944 - Сојузничкте сили го зазедоа Луксембург и се пробија на германска територија.


1971 - Во Москва умре Никита Сергеевич Хрушчов, советски политичар и државник. На Дванаесеттиот конгрес на КПСС Хрушчов ги подложи на радикална критика методите и системот на власта на Јосиф Висарионович Сталин и со тоа отвори нов период во советската внатрешна и надоврешна политика. Во 1964 година беше сменет од сите функции. Роден е на 17.04.1894 година.


1973 - Во фашистичкиот заговор што го организираа домашните и странските реакционерни сили е убиен Салвадот Алјенде, претседател на Чиле. Во опколената претседателска палата Алјенде го одби барањето на пучистите да се предаде во замена за животот. На своето последно боиште е најден мртов. Роден е во 1908 година.


1996 - Република Македонија и Бахреин воспоставија дипломатски односи на амбасадорско ниво.


1997 -Република Македонија стана полноправна членка на Централно и источноевропската регионална иницијатива за управување со воздушниот простор (ЦИЕРВИ).



2001 - Во Њујорк и Вашингтон се извршени терористички напади во кои загинаа 3.000 луѓе. Одговорноста за нападите ја презеде организацијата Ал Каеда на саудискиот дисидент Осама бин Ладен.


2003- Почина шведскиот министер за надворешни работи Ана Линд. Таа претходниот ден се здоби со повреди кога непознато лице ја нападна и избоде со нож додека пазаруваше во една Стоковна куќа во центарот на Стокхолм.