10-ти Август

[Davor_B]

1675 - На основа на налогот на англискиот крал Чарлс Втори положен е камен темелник на Кралската опсерваторија во јужното лондонско предградие Гринич, преку кое поминува нулта (гриничкиот) меридијан. Опсерваторијата е изградена со цел да се проучи положбата на ѕвездите што беше посебно значајно за навигацијата. За прв кралски астроном и шеф на опсерваторијата е поставен Џон Флемстид.


1865 - Во Петроград е роден Александар Пертович Глазунов, руски композитор, последен претставник на руската национална школа. Умре во Париз, на 21.03.1936 година.


1903 - Неколку денови пред паѓањето на Крушевската република, во Церско поле, демирхисарско, македонскиот војвода Јордан Пиперката падна во заседа на осмалиската војска. По неколку часовна борба со осмалиската војска се самоуби. Роден е во селото Козица, на 23.06.1870 година.


1913 - Заврши Втората балканска војна која на 30 јуни 1913 ја почна Бугарија, со цел да приграби поголем дел од Македонија. Во оваа војна учествуваа Црна Гора и Грција од една страна и Бугарија од друга страна. Во војната се вклучија Романија и Турција. Со овој мир Македонија е поделена на три дела: на Бугарија, на Србија и на Грција. Поради провидноста на некои одредби на овој мир, Балканот стана подрачје за постојани недоразбирања меѓу балканските држави.


1993 - Во Скопје умре Димитар Кондовски, академик, врвна фигура во македонското сликарство. Роден е во Прилеп, во 1927 година.