Раиконен победник во Малезија

[Magical Storm]

Светскиот првак во Формула 1, Кими Раиконен од Ферари, победи во денешната трка за Големата награда на Малезија.
Веднаш зад Раиконен на второто место место беше Роберт Кубица од БМВ, што претставува најдобар резултат во неговата досегашна кариера, а на третото место се пласираше Хеики Ковалаинен од Мекларен.
Четврт беше Јарно Трули со Тојота, а Луис Хамилтон се пласираше на петтото место.
Освојувачот на пол позицијата, Фелипе Маса, испадна во средината на трката, во момент кога се наоѓаше на втората позиција.
Трката помина во целосна доминација на Кими Раиконен, кој го претекна клупскиот колега при првото излегување од боксот и понатаму возеше без во ниту еден момент да биде доведена во прашање неговата победа.
Следната трка се вози за две недели во Бахреин.
Конечен пласман:

1. Кими Раиконен (Ферари) 1:31:18.555
2. Роберт Кубица (БМВ) +19.570
3. Хеики Ковалаинен (Мекларен) +38.450
4. Јарно Трули (Тојота) +45.832
5. Луис Хамилтон (Мекларен) +46.548
6. Ник Хајдфелд (БМВ) +49.833
7. Марк Вебер (Ред Бул) +1:08.130
8. Фернандо Алонсо (Рено) +1:10.041