Најсовремениот аеродром на светот

[WondeR]

Градителската манија која ја зафати Кина во пресрет на Олимписките игри никако да стивне. Очекувајќи голема бројка на туристи кои ќе го преплават Пекинг за да уживаат во најголемиот спортски "саем" на светот (а и во другите задоволства), Кинезите одлучија да го изградат најсовремениот аеродром на светот - поголем, помодерен, пооваков и поонаков, од се што е видено до сега.


Трошоците за изградбата на аеродромот ја чинеа Кина околу 2 милијарди американски долари, а аеродромот ќе може годишно да прими околу 66 милиони патници. Системот за опслужување на багажот ќе може да распореди 20 илјади парчиња багаж на час, а протокот на патници ќе се олеснува преку 500 лифтови, додека подземниот паркинг ќе може да прими 7.000 автомобили.

Доколку апетитот за фасцинантни бројки сеуште не ви е задоволен, да го додадеме податокот дека на изградбата на аеродромот работат 50.000 луѓе, од кои 10.000 се преселени во Пекинг за работата непречено да функционира.