10-те најдобро дизајнирани блогови

[vardarce]

1. http://orderedlist.com

Прв во листата е блогот на Стив Смит кој е практично инвентор на широко-хоризонталниот поглед. Комбинирајќи ги сината, зелената и црната боја со фонтови кои се поголеми од оние кои вообичаено се користат на повеќето блогови, овој е едноставен и суптилен истовремено. Забележете ја внимателната употреба на иконите насекаде, поставеноста на линковите и коментарите. Бидејќи овој блог автор користи повеќе бои отколку слики, страната изгледа лесно и секако брзо се вчитува.


2. http://superfluousbanter.org

Блогот на Ден Рубин се карактеризира со странични колони чии содржини се прегледуваат од горе надолу, наместо од лево кон десно. Паметно поставените колони го привлекуваат вниманието на посетителот и него го насочуваат кон коментарите за секој пост. Овој автор го има дизајнирано официјалниот template на blogger кој го користат милиони блогери ширум светот, а има измислено и паметна CSS техника за копчиња.


3. http://odds-and-ends.net/photolog

Обично фотоблоговите следат еден стандарден фото формат, но овој се карактеризира со вертикален приказ, одлична типографија и јасна навигација. Секоја фотографија е проследена со соодветен текст, а постојат дури и технички објаснувања за опремата која е користена при сликањето.


4. http://www.joshuaink.com

Блогот на Џошуа е потврда за неговиот талент за дизајнирање. Каскадно поставените цвеќиња кои се спуштаат надолу од двете страни, со силно истакнати Photoshop елементи во главата на страната и footer кој се буди кога на него ќе застанете, овој блог заслужено си го обезбедил местото меѓу најдобрите.


5. http://thebignoob.com

Neubix Studios е дизајн фирма со сопственост на 4 души кои се посветени на сината боја. Блогот почнува со широк поглед на една колона, која подолу продолжува делејќи се на 3. Има фини графички моменти насекаде, од фотографиите поставени во portrait мод па се до суптилните сенки.


6. http://avalonstar.com

Брајан Велосо е човек на третата генерација на дизајнери. Неговата работа кажува многу за него, па вреди да погледнете што се тој има сработено, а ние само ќе кажеме дека ова е човек кој ќе почне да работи на web 3.0 апликацијата уште пред web 2.0 да го доживее својот масовен подем.


7. http://www.simplebits.com

Ден Сидерхолм не е како повеќето познати дизајнери. Неговиот блог е свеж, модерен и редовно update-уван со нови графички дизајн идеи. Човеков има работено со Google и ESPN. Дами и господа, ви го претставуваме SimpleBits.


8. http://www.emotionslive.co.uk

Мајк е слободен дизајн уметник и неговите емоции му служат како портфолио. Ова не е баш блог, но лесно би можел да биде. Постепената промена на зелените нијанси, тридимензионалниот изглед на хедерот во позадината и кружните сенки се графички елементи кои не можат да се видат на друго место. Ова е уникатен сајт кој би можел, ако ништо друго, да ве инспирира.


9. http://www.snook.ca/jonathan

Блогот на Snook користи 4 колони кои се состојат од фиксирани и лебдечки елементи. Дизајнот е по малку строг, но специфичен и прецизен. Специфично е и тоа што одите на пример да оставите коментар на некој пост и истиот секогаш го пишувате во третата колона, во која пак не се наоѓа самата сторија.


10. http://binarybonsai.com

Популарен заради создавањето на default темата за Wordpress, Михаел Хајлман е веројатно најпознатиот дизајнер во тој круг, но веројатно помалку познат по другите платформи. Неговиот блог е дефиниција за AJAX, почнувајќи од javascript архивата, па се до чудните динамички коментари и неговиот личен livesearch. Дизајнот на блогот е типично минималистички.