ВЕЛЕС КАКО ХОЛИВУД СО УЛИЦА НА ЅВЕЗДИТЕ

[barba]

ВЕЛЕС ЌЕ ДОБИЕ ПАТЕКА НА ЗНАЧАЈНИ ВЕЛЕШАНИ
Во Младинскиот парк во Велес наскоро треба да биде поставена патека на значајни велешани, по примерот на Холивуд и Александар Плац во Виена.

- Во исцртана ѕвезда по примерот од Холивуд треба да биде запишано името и годината на раѓање и смртта на дадена значајна личност од Велес. Во патеката сигурно ќе се најдат имињата на Кочо Солев Рацин, на Петре Прличко, на Андреја Дамјанов, на Гемиџиите и многу други личности од Велес и велешко што оставија печат во македонската историја низ вековите. Со тоа имињата на овие значајни велешани ќе ги овековечиме за секогаш ставајќи ги на јавна прометна површина каква што е Младинскиот парк, главното шеталиште на велешани, рече градоначалникот на Велес Аце Коцевски, предлагачот на оваа патека на славните велешани, на денешната прес-конференција .

Тој овој предлог ќе го стави на гласање на следната седница на Советот на општината.

Покрај ова спомен обележје Коцевски предлага во Младинскиот парк во Велес да се постави уште едно насловено со „Рекоа за Рацин“. На левата и десна страна од новата Фонтана која се гради ќе бидат испишани пораки со мисли за Рацин од значајни македонски интелектуалци.