УЧЕБНИЦИ ЌЕ СЕ КУПУВААТ УШТЕ ОВАА ГОДИНА

[barba]

ПРЕМИЕРОТ НИКОЛА ГРУЕВСКИ ВО ОБИКОЛКА НА КНИЖАРНИЦИТЕ


Комплет книги за прво одделение чини некаде околу 750 денари, од 5 до 8 цената се движи помеѓу 1600 и 2000 денари. Ова е последна година родителите да ги дадат овие пари за книги за во училиште. Со законот за задолжително средно образование од учебната 2009-2010, сите ученици во основно и средно ќе добијат бесплатни книги. Премиерот Груевски денеска ги посети книжарниците за да ги израдува родителите кои не се во можност да купуваат книги.

-Знаеме дека книгите се голем финансиски проблем на родителите затоа и од наредната учебна година тие ќе бидат бесплатни согласно Законот за задолжително средно образование - изјави премиерот Груевски.
Книги за 6-то оделение во книжарниците се уште нема. Од Министерството велат дека проблемот ќе биде решен до 1-ви септември.
- Ние ќе направиме се навремено да почнат со настава овие ученици - изјави Перо Стојановски, министер за образование и наука.
Со Законот за издаваштво од идната година министерството ќе се јавуваа како издавачка куќа . Издавачките куќи го поздравуваат овој потег на Владата.
- Ние ќе продолжиме да издаваме книги,не се само тие книги за настава во училиштата-за поздрав е овој потег на владата - задоволни се издавачите.
Оваа година книги нема да купуваат децата на социјално загрозените семејства.