Трајанов: Промената на името ќе биде историска грешка

[barba]

Партнерите на Груевски од коалицијата „За подобра Македонија“ се противат на секаква промена на државното име.
Со таков цврст став е и лидерот на Социјалистичката Партија, Љубисав Иванов-Зинго, кој денеска од Конгресот на Демократскиот Сојуз, порача дека името не треба да се менува и по цена, Македонија никогаш да не стане членка на НАТО.
Со сличен став и Павле Трајанов од Демократскиот Сојуз.
„Нема да дозволиме да биде променето името на нашата држава Република Македонија. Промената на името ќе биде историска грешка со несогледани последици по нашиот идентитет и опстојувањето на Македонија. Не се сложувам со оние што тврдат дека ако не добиеме сега покана за членство во НАТО, дека ќе се распаднеме како држава. Tоа се крајно катаклизмични и недобронамерни тези“, изјави Павле Трајанов, Демократски Сојуз.