Средба на Црвенковски со Кристофер Хил

[barba]

Цитат:

ОРИГИНАЛНИ ТЕКСТОВИ

Средба на Црвенковски со Кристофер Хил Скопје, 26 јули
Претседателот на Република Македонија Бранко Црвенковски, денеска го прими помошник државниот секретар на САД за Источна Азија и Пацификот, Кристофер Хил. Тој минатата година беше одликуван од македонскиот претседател со високиот државен орден "8 Септември", а за неговиот исклучителен придонес во развивањето и зацврстувањето на пријателските односи и соработката меѓу нашата земја и Соединетите Американски Држави, вршејќи ја должноста прв Амбасадор на САД во земјава, во периодот од 1996 до 1999 година.
Во разговорот претседателот Црвенковски го запозна помошник државниот секретар Хил со актуелната политичка ситуација во земјава, особено за периодот по одржаниот самит на НАТО во Букрешт, во април оваа година.
Американскиот дипломат ја повтори поддршката која САД и ја даваат на земјава со цел нејзино целосно интегрирање во евроатлантските структури и во тој контекст ја потенцираше потребата од вложување на дополнителни напори за реализирање на тие стратешки цели.
На средбата двајцата соговорници разговараа и за актуелните случувања, како и за ЕУ и НАТО перспективите на земјите од регионот.
Кабинет на Претседателот на Република Македонија
_________________________________________________________________________________
МИА овие текстови ги објавува во интегрална и оригинална форма и не е одговарна за нивната содржина, ниту за евентуалните правописни недоследности или печатни грешки.

kolku bedna izjava