“Србија има повеќе поддршка во НАТО отколку Грција“- Едвард Џозеф

[achtung_panzer]

Истиот Џозеф којшто не` плашеше со наплив на албанскиот радикализам во случај да не го смениме името денес за македонски весник даде интересна опсервација за инаетењето на Грција:

Џозеф: Грција има помала поддршка и од Србија
Во моментов не може да се предвиди дали Македонија ќе добие покана за членство. Многу е тешко бидејќи Грците се многу тврди, изјави Едвард Џозеф за „Дневник“. Според него, се' зависи од Американците и од Грците, но јасно е дека Џорџ Буш испрати силна порака за поддршка, а и романскиот премиер се обрати со Република Македонија, и тоа намерно, не случајно. Но главната поента за Македонија е дека Грците се многу изолирани. Му реков на еден грчки претставник дека е иронично што на самит на НАТО Србија има поголема поддршка од Грција. Тоа е иронија за НАТО, а Грција е навистина во неволја ако Србија има поголема поддршка. Ова е и порака до Грција, но проблемот е во тоа што таа не сака да ја прифати. Очигледно, Грците не ги разбираат последиците од политичка изолација - вели Џозеф.Според него, предизвик за македонската, за американската и за европската дипломатија е да им кажат на Грците дека ќе загубат од политичката изолација со оваа неразумна и неоснована игра што ја водат дури и со неприфаќање на компромисно решение за името.


Целиот извештај на “Дневник“ од самитот во Букурешт