„Санос“ може да прави двокатни автобуси

[barba]

Фабриката „Санос“ има капацитет да изработува двокатни градски автобуси, но тешко може да добие банкарска гаранција, рече вчера Славе Распашковски, директорот на компанијата. Таа е пријавена на тендерот што го распиша Министерството за транспорт и врски за набавка на 302 двокатни возила за јавниот превоз.

- Автобусите ќе ги направиме според сите европски стандарди, но тешко можеме да обезбедиме банкарска гаранција за толкав број. Банките тешко се решаваат да ја дадат. Сметам дека двокатните автобуси се добар маркетиншки трик, кој ќе успее да ја врати навиката на граѓаните да го користат јавниот превоз - додаде Распашковски.

Според него, ако „Санос“ го добие тендерот, корист ќе имаат и граѓаните и Владата, затоа што ќе ангажира домашна фирма, а и компанијата, која во тој случај ќе вработи повеќе работници.