Прилепчанец тешко повреден при пад на лифт

[WondeR]

Едно лице е тешко повредено и се наоѓа во критична состојба по пад на лифт во месарница во центарот на Прилеп. Несреќата се случила околу пладне.

Според истражниот судија Орде Митрески лифтот во месарницата „Центар“ што се наоѓа во центарот на Прилеп се откачил.
Во него бил 54-годишниот Б.Т., кој веднаш по падот е префрлен во прилепската градска болница, но поради сериозноста на повредите е пренесен во Клиничкиот центар во Скопје на натамошно лекување и се наоѓа во критична состојба.
Полициски извори потврдуваат дека станува збор за Борис Трајчески, татко на сопственикот на месарницата, кој во моментот на несреќата работел во лифтот што се движел од катот кон приземјето.
Истрагата за причините за несреќата е во тек.


Извор А1 Телевизија.