НОВ КОМАНДЕН ЦЕНТАР ЗА СПЕЦИЈАЛНАТА ЕДИНИЦА

[barba]

Нов команден центар за Единицата за специјални задачи како финиш на проектот со британската амбасада. Специјалците на МВР од денеска ќе командуваат преку нов центар. Директорот на Биротото за јавна безбедност и амбасадорот на Обединетото кралство ги отворија канцелариите. Од касарната во Ѓорче Петров, каде се подготвуваат екипите за итни интервенции, ќе функционира и новиот команден центар.
Амбасадорот на Обединетото кралство и во оваа прилика ја истакна поддршката на неговата земја за аспирациите на Македонија во евроатлантското семејство. За амбасадорот на Британија полицијата игра значајна улога во обезбедувањето на клучните реформи.
Пред два месеци амбасадорот Ендрју Ки на македонската полиција и додели 32 теренски возила и две команди возила за подобрување на капацитетите. Овој тим како дел од Министерството за внатрешни работи е вклучен во сите поголеми акции за итна интервенција.