МВР се поблиску до идентитетот на напаѓачите

[barba]

МВР се поблиску до идентитетот на напаѓачите

сабота, 29 ноември 2008, 18:00

Тројцата напаѓачи на полициските алфи ни одблизу не извеле совршено злосторство. Оставиле докази во голфот од кои форензичарите лесно ќе го утврдат идентитетот на убијците-вели за Алфа криминологот Марјан Котевски кого полицијата го консултирала при вештачењето на трагите од паркингот на ПМФ. Чаурите кои крим техника ги најде на местото на злосторството се испукани од автоматска пушка од кинеско производство купена во Албанија-тврди Котевски. Според него класичната заседа на полициската патрола, напаѓачите ја подготвувале еден до два месеца. Толку биле заслепени во чинот на одмазда кон специјалната единица, што одлучиле нападот да го изведат сред бел ден, ова ја открива нивната дрскост, но и невнимателност - вели професорот на полициската академија. Неговите претпоставки укажуваат дека убијците, кои не им оставија можност на полициските алфи да се одбранат, имале логистика од Македонија. МВР работи на анализа на невидливите траги од напаѓачите оставени во голфот од кој испукале преку 70 куршуми, од кои неколку биле фатални за 39 годишниот полицаец Африм Арифи.
Според криминолошката експертиза, отисоците лесно го откриваат идентитетот на возачот на голфот. Вештаците на МВР ги проверуваат и влакната од нивната коса,облека, но и трагите од кал кои останале во и надвор од голфот.
МВР веднаш по убиството ја информирало косовската полиција и дале опис на возилото-изјави за Алфа, портпаролот Ветон Елшани.
,,Од првиот ден превземавме засилени мерки за контрола на граничните премини.Засега не е забележано ништо сомнително, изјави Елшани.
Она што го откриваат од МВР е дека сведоците, повеќето студенти на ПМФ, не дале релевантен опис на напаѓачите. Полицијата ги проверува и информациите кои ги собрала од приведените вечерта по нападот на алфите. Повредениот полицаец кој се наоѓа на клиниката за анимација и интензивно лекување и натаму е во критична состојба.