МНР со протестна нота за грчкото вето во Букурешт и прекршувањето на времената спогодба

[barba]

Заменик министерот Петров нотата и ја врачи на шефицата на Канцеларијата за врски во Скопје Александара Пападополу Заменик министерот за надворешни работи Зоран Петров денеска ја повика шефицата на Канцеларијата за врски во Скопје, Александара Пападополу за да и врачи протестна нота поради грчката блокада на упатувањето покана на Република Македонија за членство во НАТО на Самитот во Букурешт со што го прекрши членот 11 од времената спогодба потпишана меѓу двете земји во 1995 година, соопшти Министерството за надворешни работи.
- Воедно, заменик министерот Петров пренесе и дел од она што е наведено во нотата дека изјавите и активностите на грчките официјални претставници во контекст на недобивањето покана за членство на Република Македонија во НАТО претставува флагрантно кршење на времената спогодба - се вели соопштението од МНР.