Македонскиот маратонец Томи Стефановски се подготвува за најголемиот потфат во неговата кариера

[barba]

ПОДВИГ И ПРЕДИЗВИК
МАРАТОНЕЦОТ ТОМИ СТЕФАНОВСКИ ДОГОДИНА ЌЕ СЕ ОБИДЕ ДА ГО ПРЕПЛИВА ЛА МАНШ
Македонскиот маратонец Томи Стефановски се подготвува за најголемиот потфат во неговата кариера - во септември идната година да го преплива каналот Ла Манш.

Досега каналот го препливале двајца македонски маратонци, Нико Нестор во 1956 и Атина Бојаџи десет години подоцна во 1969 година.

На денешната прес - конференција директорот на Агенцијата за млади и спорт Драган Ѓурчевски, истакна дека агенцијата ќе ги обезбеди комплетните средства за подвигот, za подготовките и за стручните лица, доктор и тренер.

Маратонецот Стефановски рече дека идејата за препливување на Ла Манш не е од сега, но поради неговите повреди во 2002 година бил спречен претходно да го направи подвигот.

- Ова е проект кој треба да се сфати многу сериозно. Моментално сум во завидна форма и сакам Ла Манш да биде круна на мојата кариера, истакна Стефановски кој во наредниот период освен со секојдневните тренинзи интензивно ќе се подготвува пливајќи еден маратон во Мексико и два во Канада.

Нестор и Бојаџи кои беа присутни на прес - конференцијата ги изнесоа своите искуства од препливувањето на Ла Манш и му посакаа многу успех на Стефановски, среќа и мирно море.

Каналот Ла Манш се наоѓа меѓу јужна Англија и северна Франција и го поврзува Атлантскиот океан со Северното море. Тој е долг околу 560 километри, а неговата широчина во најтесниот дел е 34, а во најширокиот 240 километри.