Live Score го врати името на Македонија

[barba]

Спортскиот портал Live Score го врати уставното име на Македонија на својот сајт и изрази жалење доколку неговото привремено отстранување ги навреди нејзините граѓани.

Ова се наведува во писмото што Live Score го упати денеска до Независната новинска агенција Макфакс, која побара објаснување кои се причините што порталот го смени уставното име на Македонија, кое го користи од 2002. година и дали тоа е последица на сугестии или притисоци од надвор.

„Се извинуваме доколку ова предизвика навреди за било кого во Македонија и веќе го отстранивме линкот „Republika Makedonija“ и на главното мени е вратено името „Republic of Macedonia“ . Никогаш не помисливме да предизвикаме навреда за нешто што луѓето од вашата земја се бореле повеќе од 15 години“, се наведува во писмото на порталот Live Score.

„Спортскиот портал Live score беше меѓу првите и неколку што го имаше предвид ова прашање години наназад, и во време кога ОН и ЕУ решија да ја користат привремената референца Македонија, ние одбивме да ги нарекува луѓето од вашата земја „Македонијајани“. И во времето кога на веб сајтот на ФИФА и на многу други се користеше името Македонија, ние ја нарекувавме вашата земја Rep of Macedonioa, и покрај протестите од страна на други корисници“, укажува порталот Live score.

Во писмото Live score изразува жалење дека и покрај големиот напор да овозможи покривање на резултатите од македонската Прва фудбалска лига, сега не е во таква можност.

„Ова не е само заради тоа што добивме многу поплаки од корисници од вашата земја, туку и поплаки од корисници од другата страна на спорот – корисници од Гр (Грција), како и од Италија, и други, кои, исто така, не го прифаќаат името Republika Makedonija“, се вели во писмото на еден од најпознатите светски портали за следење на спортски резултати Live score.