Италија треба да се подели

[barba]

27 април 2008
Сопругата на Силвио Берлускони, Вероника, изјавила дека Италија никогаш и не била обединета земја



Сопругата на италијанскиот премиер Силвио Берлускони им се придружила на се посилните повици за поделба на Италија, истакнувајќи дека таа земја никогаш не била обединета и оти “никогаш не ни созреала доволно, за да биде таква“.

Вероника Ларио ретко давала политички изјави, но таа е сопственик на влијателниот весник “Ил Фоглио“.

Според “Дејли Телеграф“ шансите за поделба на Италија се поголеми откако сецесионистичката партија Северна лига остварила успех на парламентарните избори. Лидерот на партијата Умберто Боси повеќе пати се заканил дека “ќе се фати за оружјето“ против корумпираните политичари во Рим, кои го одземале богатсвото од северот на земјата и го пренесувале на сиромашниот југ.

Берлускони веројатно ќе го постави Боси на министерско место бидејќи му е потребна поддршка на Северната лига за да го оддржи мнозинството во парламентот. “Дејли Телеграф“ шпекулира и дека министерско место било обезбедено за вториот човек на Лигата Роберто Калдорели кој бил познат по изјавите дека илегалните емигранти треба да се вратат во чамците со кои допловиле во Италија и дека треба да се воведе ден на јадење свинско месо, како одговор на ширењето на исламот.