И Македонија има ЈОЗЕФ ФРИЦЛ

[Magical Storm]

Ја силувал и тепал сопствената ќерка, а сопругата по претепувањето ја заклучувал во соседната просторија.
Инцест во скопско Рашче. Хазби Исмани, 37-годишен жител на Рашче, најмалку шест месеца наназад ја силувал 17-годишната ќерка.
Нејзината мајка била немоќна да и помогне. Сакал и доцна ноќеска да го изврши монструозното дело, но девојката избегала.
Како трча избезумена по селските улици ја забележале полициски „Алфи“. Случајот заедно со мајка и го пријавиле, а монструмот Исмани бил уапсен.
Во полицијата мајката и ќерката ја раскажале голготата која ја преживувале. Двете биле со големи модрици по лицето и телото.
Хазби Исмани ги терал секогаш по силувањето и тепањето облеката да ја перат за да не останат траги.
Сепак, злоставуваната девојка сокрила дел од алиштата, кои треба да ги потврдат грозоморните случувања во куќата.
„Откако мајката ќе пружела отпор, односно откако ќе се обидела да го запре таткото во неговите намери, тој започнувал да ја тепа и ја заклучувал во едната соба, по што продолжувал да го врши насилството врз девојчето и да го извршува чинот на силување“, изјави Иво Котевски, портпарол на МВР.
Хазби Исмани бил чувар на водоводот во Рашче. За соселаните бил добар, но за домашните насилник. Во Рашче велат дека веќе извесен период бил постојано пијан.
Семејството Исмани е во шок. Не сакаат да зборуваат пред камера и не замолија да го заштитиме идентитетот на нивната внука.
Каква личност е монструмот кој може да ја силува сопствената ќерка? Психолошки слаб, социјално недоизграден на што влијаат и други фактори.
Алкохолот е последната капка кон девијантното однесување, вели психијатарот Славица Хаџи Ангелковска.
„Тоа се луѓе коишто имаат во основа послаби психолошки снаги. Е сега, на тоа кога ќе се надоврзат и некои други надворешни фактори, вклучувајќи ги и социјалните фактори, лоши социјални фактори, придонесуваат до полесно откочување на агресивните и сексуалните однесувања, кои обично се врзани“, рече Славица Хаџи Ангелковска, психијатар.
Сега главната грижа треба да се насочи кон силуваното девојче и нејзината мајка. Двете веќе биле прегледани од психијатар.
Доктор Хаџи Ангелковска посочува, неопходно е да се засили социјалната мрежа на центри, со цел намалување на грозоморните случување внатре во семејството.

Хазби Исмани