Голем арсенал оружје пронајден кај Танушевци

[barba]

Голем арсенал оружје пронајден кај Танушевци

Оружјето, кое било сокриено во букова шума, затрупано со гранки и чувано во вреќи, според првичните сознанија е од кинеско производство и е во употреблива состојба



Поголемо количество оружје е откриено и запленето во полициската акција спроведена рано изутрината во месноста Рамно во атарот на селото Танушевци, Скопско.
Запленети се 93 разни типови гранати за РПГ-7, едно полнење за рачен ракетен фрлач „Оса” со калибар од 90 мм, девет патрони – полнења за минофрлач од 120 мм, четири патрони – полнења за минофрлач од 60 мм и два механизма од дополнително гориво за РПГ-7.

Оружјето, кое било сокриено во букова шума, затрупано со гранки и чувано во вреќи, според првичните сознанија е од кинеско производство и е во употреблива состојба, потврдуваат од МВР.

Пронајденото оружје веднаш е транспортирано во кругот на касарната „Ѓорче Петров” во Скопје. Во тек се активности за целосно расчистување на случајот.