Генерал со македонско потекло началник на ГШ на Турција

[barba]

ИСТАНБУЛ - Армискиот генерал Илкер Башбуг, чии родители потекнуваат од Македонија, избран е за нов началник на Генералштабот на Вооружените сили на Турција, јавија вчера турските медиуми.

На четиридневното заседание на Врховниот воен совет на Турција, што заврши вчера, решено е Башбуг да го замени досегашниот началник на Генералштабот, генерал Јашар Бујуканат, кој заминува во пензија.

Изборот на Башбуг на новата должност треба да го одобри и турскиот претседател Абдула Ѓул.

Според турските медиуми, Башбуг важи за воен дипломат со работно искуство во Командата на НАТО и за искусен стратег, особено при командувањето со турските сили во борбата против сепаратистичката Курдска работничка партија (ПКК) во југоисточниот дел на Турција.

Аналитичарите оценуваат дека „ледениот генерал“, како што го нарекуваат Башбуг, ќе заземе потврдокорна политика во однос на происламската владејачка Партија на правдата и развојот (АКП).

Башбуг официјално треба да стапи на новата должност на 30 август. (МИА)