ЕЛЕНОВСКИ ОПТИМИСТ ПО СИНОЌЕШНАТА СРЕДБА

[WondeR]

Министерот за одбрана на Република Македонија, Лазар Еленовски, по синоќешната заедничка средба во Пентагон со неговите колеги од Хрватска и Албанија со американскиот секретар за одбрана Роберт Гејтс, изрази оптимизам дека трите земји од Јадранската повелба ќе ја добијат поканата за членство во НАТО на самитот во Букурешт во април.
- Ќе треба да се редефинира иднината на Јадранската група имајќи предвид дека новите држави од регионот треба да се приклучат кон една ваква многу полезна регионална иницијатива, изјави Еленовски по средбата со Гејтс во Вашингтон, која се одржува во исклучително важен период за земјите А-3 и е последна пред одржувањето на самитот на НАТО.
На средбата, која претставува продолжување на трансатлантскиот дијалог помеѓу земјите од А-3 и САД, од страна на Гејтс немало никакви забелешки, ниту пак укажувања за тоа што треба да се сработи до самитот во Букурешт. Главна тема на која се разговарало на средбата биле одбранбените прашања биле, а бил поздравен и придонесот на земјите од А-3 во мировните мисии во Ирак и во Авганистан.
- Целиот наш придонес како Армија и одбрана покажува високо ниво на свесност за тоа кои се и кои ќе бидат нашите обврски како идна членка на НАТО, потенцира македонскиот министер за одбрана Еленовски.
Заедничка констатација на министрите за одбрана на Македонија, Хрватска и на Албанија, како и на американскиот државен секретар за одбрана, подвлече Еленовски, е дека Јадранската група во многу работи помогнала да се поттикнат регионалните иницијативи и соработка и тоа, како што рече, на воено, но и политичко и демократско поле.
- Јадранската група е успешна приказна и ќе гледаме да ја пренесеме на останатите дрзави во регионот, порача Еленовски.
Еленовски имаше средба и со американксиот заменик државен секретар Џон Негропонте, кој покажал интерес за прашањето за името со Грција, меѓутоа, како што потенцира македонскиот министер за одбрана, немало никакви услови врзани за уставното име за членство во Алијансата. САД, посочи Еленовски, од средбата во Атина посакува компромис.
Министерот Еленовски попладнево ќе има излагање во Атлантскиот совет, при што ќе се фокусира на постигнувањата во одбранбената сфера и вредностите кои земјите ќе ги увезат со своето зачленување во Алијансата.