Едно прваче во мариовското село Витолисште

[barba]

За шест годишниот Петар Чакрески од мариовското село Витолиште денешниов ден е особено значаен. Тој е единствениот ученик во само за него возобновеното прво одделение во напуштеното и пред 10 години затворено основно училиште Стале Попов.
Родителите на Чакрески се особено радосни, оти Петар почна да оди на училиште,во родното Витолиште во кое некогаш живеа 3 илјади а денеска само 100 жители. А посебно се радосни што не мора да го напуштат Мариово.
Во следниве 4 години наставничката Анета Тренкоска секојдневно ќе патува по 120 километри од Прилеп до Витолиште за да го учи својот ученик.
За локалните власти отворањето на училиштето на почетокот од новата учебна година е почетокот на крајот од повеќе годишната миграција на Мариово.