ЌЕ СЕ ЦРТА ГАСОВОДНА МАПА НА МАКЕДОНИЈА

[barba]

МИНИСТЕРСТВОТО ЗА ТРАНСПОРТ БАРА КОНСУЛТАНТ
ЌЕ СЕ ЦРТА ГАСОВОДНА МАПА НА МАКЕДОНИЈА
Министерството за транспорт бара консултанти кои ќе изготват физибилити студија за гасификација на Македонија. Оваа седмица објавен е меѓународен повик до компании кои ќе треба да понудат гасификациско решение за индустријата и домаќинствата.

- Овие консултанти ќе треба да ја исцртаат мапата на гасоводната мрежа во Македонија и да понудат идејни проекти, изјави министерот за транспорт, Миле Јанакиески.
Додека земјите од регионот потпишуваат договори вредни милијарди долари за делници од магистрални гасоводи и спроведуваат гас до крајните корисници, македонските стопанства и домаќинства и натаму се без најевтиниот енергенс.
- Овој проект тапкаше во место со години. Ние активно му се посветивме затоа што со него значително ќе се намалат трошоците на индустријата и на граѓаните, вели Јанакиески.
Според плановите на министерството, по подготовката на студијата за изводливост и изборот на идејно решение, првиот магистрален гасовод во Македонија би можел да почне со изградба кон крајот на 2009-та, а гасификациската мрежа низ целата земја во втората половина на 2010-та година.