ДВА ИНЦИДЕНТИ ЈА ПОТРЕСОА АРМ

[barba]

Е ПРЕВРТЕ ЏИП НА МАКЕДОНСКАТА АРМИЈА Несреќен ден за македонската армија. Два инциденти за само неколку часа. Џип Ланд Ровер Дефендер се преврте на враќање од вежба на патот Скопје-Приштина. Повредени се деветмината војници кои биле во него. Еден од нив поминал со посериозни повреди и е задржан во Клиничкиот центар, останатите се на испитување во Воената болница.

Од Генералштабот на АРМ немаат информации за причината поради која се превртел џипот. Војниците кои биле во него се враќале од обука за управување на возила во лоши теренски услови, на асвалтот не успеале да ги искористат вештините кои ги учеле на полигонот Стенкововец. Возилото неколкупати се превртело на патот. Колегите кои со неколку возила се движеле во колона им помогнале, за среќа сите се надвор од животна опасност. Неколку часа претходно, висок воен службеник вербално бил нападнат од таксист на влезот во касарната Илинден. Лицето се доближило до возилото Шкода во кое имало две службени лица и започнало да ги навредува со лични пцовки и понижувања кон униформата и државата. Неколку војници му се спротивставиле, а таксистот пријавил дека го претепале. На војниците им се заканил дека ќе му се јави на Ахмети и ќе му пренесе сите да ги избркаат од работа.

Увид е извршен на двата инциденти. Возилото Дедефендер е пренесено на вештачење, а разговарано е и со војниците кои учествувале во инцидентот пред касарната Илинден. Цивилната и Воената полиција податоците ќе ги предадат на истражен судија.