ДУИ бараат Македонија да ја признае независноста и сувереноста на Косово

[WondeR]

Пратеничката група на ДУИ побара Македонија да го признае Косово како самостојна и суверена држава.

Декларацијата за признавање на Косово денеска ја потпишаа сите 15 пратеници на ДУИ. Таа е упатена до претседателот на држава, премиерот и претседателот на Собранието

„Врз основа на овие нови реалности, во духот на добрососедството Република Македонија да го признае косово како независна држава. Оценуваме дека во овие историски моменти ќе знаеме да донесеме храбри и правилни одлуки, бидејќи Македонија добива соседна држава со иста ориентација како и ние, добива еден сосед пријател и стратешки партнер во нашите евро-атлантски определби“ – рече вчера Теута Арифи.

Пратениците од ДУИ побараа Македонија да ја почитува волјата на мнозинството на косовскиот народ и со признавањето на Косово да ја потврди новата реалност во Европа.