ДПА се врати во владата

[WondeR]

ДПА се врати во владата. На попладневната средба што Груевски и Тачи ја имале во владата, неколку часа пред вечерашното централно собрание на ДПА во Сарај, постигнале согласност да се реализираат 6-те барања поради кои лидерот на ДПА објави излегување од коалицијата.

И од владата потврдија дека на денешната средба Груевски - Тачи се договорени понатамошните чекори на коалициските партнер. Веднаш по заклучоците на ДПА, и ВМРО-ДПМНЕ со идентична изјава за постигнатата согласност.

Според информациите на Канал 5 на вечерашната седница на централното собрание на ДПА, вицепремиерот Алиу, кој ги повика министрите од оваа партија да не работат за Груевски, објавиле дека поднесува оставка на функцијата од морални причини. Тачи и Џафери не успеале да го убедат да се предомисли. Сите функционери од ДПА, освен Алиу, утре се враќаат на работа.
Пред две недели Тачи објави дека ја напушта владата со тврдење дека Груевски нема слух за исполнување на 6-те барања на ДПА. За да не падне владата, опозицијата се согласи да ја поддржи малцинската влада на Груевски за која се договорија на една од последните лидерски средби. Партиски извори велат дека Груевски и Тачи продолжуваат со владината коалиција и по НАТО. Останува отворено прашањето – што ќе се случи со работните групи на ВМРО ДПМНЕ и ДУИ кои веќе подолго време работат на изнаоѓање решение за употребата на јазикот и за социјален бенефит за борците на ОНА.