БОЕВО ГАЃАЊЕ НА ЦЕЛИ ВО ВОЗДУХ НА КРИВОЛАК

[barba]

На Армискиот полигон „Криволак“ денеска ќе се изведе боево гаѓање на цели во воздух со лесен преносен ракетен систем „ИГЛА“. Гаѓањето ќе го изведат припадниците на баталјонот за противвоздушна одбрана (бнПВО) кој е во составот на Здружената оперативна команда (ЗОК) на АРМ.

Гаѓањето со ,,ИГЛА“, како што информираат од Министерството за одбрана, ќе биде изведено заедно со припадниците на Армијата на Република Словенија. Во изминатиот период од една година, клучниот персонал од бнПВО на АРМ еден дел од обуката на системот „ИГЛА“ го заврши во Словенија.

На гаѓањето ќе присуствуваат министерот за одбрана Зоран Коњановски, началникот на ГШ на АРМ генерал-потполковник Мирослав Стојановски, словенечкиот амбасадор Ален Брајан Бергант, командантот на ЗОК генерал-мајор Зоран Димов и военото аташе на Република Словенија во Република Македонија полковник Јанез Бутара.

Системот ,,ИГЛА“ е наменет за уништување на цели во воздушниот простор на височини до 3.500 метри, при што во борбениот комплет има инфра црвени самонаведеувани ракети СА-16, кои ќе се користат и на денешното гаѓање.