Барнс бара Русија да се огради од изјавите на Димитриј Рогозин за Косово

[WondeR]

Москва треба да се огради од амбасадорот на Русија во НАТО, Димитриј Рогозин, чии изјави се „крајно неодговорни“, изјави синоќа помошникот на американскиот државен секретар Николас Барнс. - Владата на Русија треба да истапи со официјален демант на циничните и историски неоснованите изјави на нејзиниот амбасадор, изјави Барнс за ТВ каналот Фокс.
Тој оцени дека „Русите водат доста цинична политика и само го попречуваат процесот на решавање на проблемот на Косово“.
- На Косово тие не се присутни и не прават ништо за да им помогнат на Косовците, рече Барнс, коментирајќи ја вчерашната изјава на Рогозин дека „Русија не ја исклучува можноста за воена интервенција ако акциите на Европската унија и НАТО ја прекршат Резолуцијата на Советот за безбедност за Косово“.
Барнс посочи дека Русија се наоѓа во меѓународна изолација заради Косово, бидејќи, како што реше, само малку земји го поддржуваат нејзиниот став.