АРМ во нови униформи за Нова година

[barba]

АРМ во нови униформи за Нова година


Нови униформи за АРМ, развој на полигонот Криволак и електронски систем за архивирање документи се приоритетите на Министерството за одбрана до крајот на годинава, најави вчера министерот Зоран Коњановски. Тој посочи дека милион евра од буџетот наменети за купување униформи ќе се пренаменат за развој на новите и оти е уверен дека одбраната до крајот на годинава ќе потроши околу 97 отсто од своите пари за да не и' ги одземат пак.

Прототиповите на новите армиски униформи ќе бидат промовирани пред крајот на годинава, а по тестирањето ќе се усвојат конечните параметри за новата, автентична униформа на АРМ. Војската ќе ги поседува спецификациите и стандардот за униформата, а на оглас ќе се изберат фирми што ќе ги изработуваат.

Криволак ќе стане единствен полигон за обука во регионот. Одговарајќи на новинарско прашање, министерот рече дека полигонот ќе го користат АРМ, МВР, Дирекцијата за заштита и спасување и Центарот за управување со кризи. Комерцијално ќе може да го користат и земјите од НАТО и Партнерството за мир, вклучувајќи ја и Грција.Министерството за одбрана ќе биде првото што ќе воведе електронски систем за документирање и за архивирање. Според Коњановски, има проблем со 70-80 отсто од договорите за закуп на несуштински објекти, склучени во претходните години, за што Министерството спроведува истраги.

- Генералштабот достави процена на капацитетите на АРМ за мисии надвор од Македонија, но одлуката за учество во такви операции е политичка - рече началникот на Генералштабот, генерал Мирослав Стојановски.