Економски вести, информации, корисни линкови ....

[Jakov]

Македонија е држава со умерено слободна бизнис клима. Херитиџ фондацијата ја објави најновата листа за економската слобода во светот. Земјава е на иста позиција како и лани. Со просечна оценка од 60,6 се наоѓа на 71-то место од вкупно 157 анализирани држави.
Позиција на балканските земји56.Албанија 59.Бугарија 71.Македонија 75.Словенија80.Грција 113.Хрватска 121.БиХВо истражувањето Македонија доби високи оценки за монетарната, фискалната и слободата на тргување. Ниски оценки, кои значат лоши сигнали за бизнис, има во делот на заштита на сопственоста, работничките права, а најлошата оценка е за степенот на корупцијата.
Во однос на регионот, Македонија е на третото место. Пред земјава се Албанија на 56-то и Бугарија на 59-то место.
Зад државава се Словенија на 75-то место, Грција е 80-та. Хрватска е 113-та и заедно со Босна, која е на 121-во место, се оценети како речиси неслободни држави за водење бизнис.
Експертите од Херитиџ и годинава не го истражувале индексот на економска слобода во Србија и Црна Гора.
Оценките на глобално ниво се дека во светот нема значајни промени во економските текови. Хонг Конг и натаму е на првото место. 14-ти пат по ред е економски најслободната држава.
На второто место е Сингапур, следат Ирска, Австралија и САД. На дното на листата се Бурма, Либија, Зимбабве, Куба, а Северна Кореја е државата каде економската слобода е најмала во светот.