Мистериозни чудовишта на антартикот

[Magical Storm]

Австралиски, француски и јапонски научници, кои ги проучуваа водите на Антарктикот снимиле и фатиле неколку џиновски морски суштества!
Научниците, меѓу другото на длабочина од еден километар пронашле огромни морски пајаци, како и медузи со пипки долги шест метри!
„Џиновските примероци се сосема вообичаени во водите на Антарктикот. Собравме неколку огромни црва, џиновски ракови и морски пајаци“, изјави австралискиот научник Мартин Ридл, кој го водеше истражувачкиот брод „Аурора Аустралис“.
„Многу од нив живеат во мрак и имаат големи очи. Тоа се риби со чуден изглед“, вели Ридл.
Експедицијата ќе им помогне на научниците да го следат влијанието на климатските промени врз растителниот и животинскиот свет во водите на Антарктикот, како и ацидификација, предизвикана од киселите дождови, кои пак последица на зголеменото ново на јаглерод диоксид во атмосферата.
Трите брода од експедицијата се вратија со голем број на морски суштества, меѓу кои има и примероци кои до сега не се познати. Некои од нив се вадени на длабочина од 200 до 1.400 метри, а тежат и до 30 килограми.
Разните примероци ќе бидат пратени до универзитетите и музеите ширум светот за идентификација, земање примерок од ткивото и мапирање на ДНК.