Арката на Ное - Мит или Вистина

[Magical Storm]

Приказната за Ное и неговата арка е една од најпрепознатливите и најстарите приказни воопшто. Ја знаеме преку Христијанството, но ја има и во Куранот и во еврејската Тора, како и во други религиски списи.
Арарат е планината која го симболизира крајот на патувањето за Ное и сите животни од бродот.

Она што ме заинтригира беше сликата од Life Magazine, Sept. 5, 1960 год. која може да ја видите подолу (следните слики се понови). Оваа “бродна форма” на планината е позната како аномалијата на Арарат. “Бродот” бил забележан првично од некој локален овчар, после земјотресот кој ја отстранил калта и земјата од бродот.
Истражувања биле започнати во осумдесеттите и деведесеттите години од минатиот век, а поинтензивно во почетокот на новиот. Официјално не најдов никаква потврда, но трупот на бродот е наводно дрвен, или барем потсетува најмногу на дрво. Експерти за дрво го порекнале можното опстојување на дрвото толку долго, знаејќи дека приказната за Големиот Потоп се сместува помеѓу 4000 и 10000 год п.н.е.