Соларен лап-топ

[Magical Storm]

Многу нешта може да кои ќе ја олеснат работата во екстремни услови, како што е телефон вграден во ракавица или торба од карбонски материјали, се дело на српскиот дизајнер Никола Кнежевиќ.
За сега, само неколку од неговите производи можете да ги нарачате по Интернет, но тоа не му примарно на младиот дизајнер. Вели дека прозиводството и продажбата му се дури на третото место.

„Се е врзано за истражување на нови проиводи. Примарно ми е да дизајнирам нови нешта и да имам што е можно повеќе идеи, а производството и продажбата доаѓаат потоа, а и не ми се толку важни“, вели Кнежевиќ.
Една од неговите најинтересни идеи е лаптоп кој работи на соларна енергија, но се уште не се произведува. Според Кнежевиќ, овој лаптоп ќе им служи на научниците кои се наоѓаат во пустелии и останати екстремни услови, каде мора да користат алтернативна енергија.

„Бараме некој кој би можел да ги произведе овие лаптопа. Цената би зависела од количината која ќе се произведе, но сметам дека не би била повисока од 2.500 американски долари“, вели Кнежевиќ.
Со оваа работа се занимава од 1998 година, кога го завршил факултетот за применета уметност и кога го основал своето студио. Две години бил дел од јапонската програма „Бука Чо“, организирана од јапонското министерство за култура. Работел за познатите компании како што се „Sony“, „Toshiba“, „HP“, а досега има освоено и неколку награди.
„Се дизајнирам сам, но имам неколку деловни соработници кои ми помагаат, некои се од Србија, а некои од Јапонија. Со нив се запознав за време на специјализацијата. Мојата желба е со своите идеи да им дадам насоки на произведувачите со цел да почнат да размислуваат за изработка на нешто ново“, вели Кнежевиќ.