ЗАЧУВАЈТЕ ЈА КОЖАТА ПО СОНЧАЊЕТО

[MaCkiCa`]

По летниот одмор минат покрај плажа на кожата и е потребна влажност. Дерматолозите препорачуваат, по сончањето, уште додека сте на море, но и по враќање дома, да користите препарати кои поттикнуваат задржување на влажноста, ја смируваат кожата и дејствуваат антивоспалително.

Како да се сочува бојата?
Потемнетиот тен кој го имате по враќањето од одмор е за жал, само на површина и го крие она што се случувало во подлабоките слоеви на кожата. Првата и најголема грешка која се прави по враќањето е одбегнување на лупењето на горниот слој на кожата. Но, токму отстранувањето на вишокот мртви клетки ја враќа еластичноста и мазноста на кожата. Еднаш кога ќе се отстрани задебелениот површински слој, кожата полесно ги впива активните состојки од препаратите за нега.

Сува кожа
Доколку имате изразено сува кожа, по враќање од плажа треба добро да се истуширате за да ја отстраните секоја трага од сол, пот и песок. Препорачлива е употреба на масло за туширање. Потоа, додека кожата е уште влажна и додека порите се проширени, нанесете лосион за по сончање, кој е богат со алое и витамин Е, бидејќи овие состојки се најделоворни против стареењето на кожата.

Посебно внимание за лицето
Познато е дека кожата на лицето побрзо старее со изложување на сонце. Затоа, по враќање од летување, 2 пати неделно на лицето нанесувајте некоја хидратантна маска. Покрај тоа, се препорачува и краток третман со ампули кои дополнително ја хранат кожата и ја враќаат изгубената маснотија. Маската и содржината од ампулите треба да се нанесуваат и на деколтето и вратот.

Маска од јогурт



По сончањето, на лицето можете да нанесете и освежителна маска од полномасен јогурт. Оваа маска ги ублажува брчките и ја смирува иритираната кожа. Намачкајте го лицето и оставете да дејствува 10 минути. Потоа лицето измијте го со млака вода и намачкајте го со хидратантен крем кој редовно го користите.

Нега по сончање



По сончањето треба да користите препарати кои ладат, смируваат и ја регенерираат кожата на лицето и телото. Млеката за нега по сончање го забавуваат перутањето на кожата и подолго го одржуваат потемнетиот тен . Доколку не можете да му одолеете на солариумот, и по ваков третман треба да користите млеко за по сончање. Овие препарати истотака го смалуваат ризикот од дејството на УВА зраците кои ги користат солариумите.