Од брчки нема да ве спасат ни скапите креми

[The`bItCh]

Луксузните производи не делуваат ништо подобро од обичните што можат да се купат во секоја продавница, покажа истражувањето што го спроведе списанието Consumer Reports.

Истражувањето потврдило дека ниту еден од испитаните производи нема битно влијание на изгледот на кожата.

Истражувачите дошле до заклучок дека по 12 недели врвните производи успеваат само малку да ги измазнат плитките брчки, но дури и најдобрите меѓу нив длабочината на брчките не можат да ја намалат повеќе од 10%, а таа промена е невидлива за голо око.

"Тестовите открија дека, во просек, има малку разлика во делувањето на производите врз изгледот на кожата, но цената и ефикасноста не се поврзани", изјавил портпаролот на списанието.

Американците годишно трошат повеќе од една милијарда долари на креми против брчки.

Во ова истражување биле тестирани производи со малопродажна цена од 19 до 355 долари. Секоја од кремите била тестирана најмалку на 20-тина жени на возраст од 30 до 70 години.

Но, и покрај заклучокот од ова истражување, некои жени велат дека сепак ќе продолжат да ги користат тие креми.

"Никогаш не верував дека тие можат да го запрат појавувањето на брчките, но со нив се чувствувам добро, а и мирисаат убаво", изјавила една од испитаничките.