Како до гламурозен вечерен изглед?

[MaCkiCa`]

Ако сакате вашите очи да изгледаат неверојатно и гламурозно за вечерно излегување, следете ги следниве 8 чекори:

1. Нанесете коректор околу вашите очи. Коректорот се користи за да ги покрие темните кругови околу очите. Нанесете три капки од коректорот на темните кругови под секое око. Почнувате од врвот на окото, каде кожата е најтемна. Движете се кон крајот на окото со кружни движења, се додека коректорот не исчезне.

2. Нанесете подлога околу очите. Очната подлога е тајната која ја чува вашата сенка на очните капаци. Без подлогата имате голема можност вашата сенка да се размачка.

3. Нанесете сенка. Најдобро е сенката за очниот капак да е во три нијанси. Измешете ги добро боите. Почнете со најсветлата нијанса од бојата, и нанесете ја на целиот очен капак се до веѓата. Со средната нијанса поминете го само очниот капак. На преклопувањето на очниот капак поминете со најтемна боја.

4. Следува моливот за очи. Темната сенка може да е замена за молив. По линијата на окото нанесете темна сенка со четка, почнувајќи од врвот кон крајот на окото. Долниот дел од окото поминете го од крајот до неговата половина.

5. Истакнете го внатрешниот дел на око. Овој чекор го вклучува само внатрешниот дел на окото. Со златно или розево моливче (бело е премногу светло), нацртајте го V обликот кој почнува од врвот на окото и ја следи неговата линија како од долната така и од горната страна. Размачкајте го нежно со прстите.

6. Истакнете ја вашата веѓа. Со истото златно (розево) моливче поминете под втората половина на веѓата и размачкајте го со прстите.

7. Извиткајте ги трепките. Со четка за извиткување на трепките, поминете ги неколку пати, и ќе добиете неверојатен изглед на долги трепки.

8. Нанесете ја маскарата. Поставете ја маскарата на крајот на горните трепки и одете со четкицата напред и назад. Ова повторете го неколку пати. На истиот начин нанесете маскара и на долните трепки.