Понуда од „МАНУ“

[barba]

Sega im tekna na ovie....

Цитат:

МАНУ СЕ ПОНУДИ ДА ПОМОГНЕ ВО ЕКОНОМСКАТА ПОЛИТИКА

ПОВЕЌЕ ПАРИ ОД ВЛАДАТА И ВКЛУЧУВАЊЕ НА АКАДЕМИЦИТЕ ВО ПРОЕКТИ ОД НАЦИОНАЛЕН ИНТЕРЕС
- Македонската академија на науките и уметностите (МАНУ) побара денеска од министерот за образование и наука Перо Стојановски повеќе финансиски средства за нејзините активности, вработување млад кадар и зголемување на нивните плати, како и стекнување статус на државни службеници.

Стојановски по средбата со претседателот на МАНУ Георги Старделов потсети дека со ребалансот на Буџетот се одобрени дополнителни 26 милиони денари за научноистражувачка дејност.

- Овие средства се дополнување на Буџетот. Имајќи предвид дека станува збор за средства што треба да се потрошат во втората половина на фискалната 2008 година, проценката на Министерството беше дека овие средства ќе бидат доволни до крајот на 2008 година и ќе бидат наменски потрошени, изјави министерот за образование.

Според него, договорено е да се започне стратешки да се вложува во научната дејност. - На тој начин ќе може да се направи оддржливост во делот на финансирањето на науката, изјави Стојановски.

Претседателот на МАНУ Старделов на денешната средба со Стојановски, прва по неговото назначување за министер за образование, побара исто така финансиска помош за печатење на англиско издание на македонската двотомна енциклопедија. Старделов го потенцираше значењето на оваа енциклопедија и истакна дека нејзиното печатење би чинело помалку од 20.000 евра.

Старделов иницира вклучување на членовите на МАНУ во владините проекти што се од значење за државата воопшто. Очекува Владата да достави до нив одредени предлози за вклучување на членовите во проекти од национален карактер. Тој посочи дека МАНУ формира тим кој треба да изработи стратегија за енергетика на Република Македонија, што било договорено со поранешниот министер за економија.

Во однос на вработувањата, Старделов посочи дека во Македонија има млади научници и доктори на науки, но тие поради ниските примања заминуваат од овде. Затоа, рече тој, ќе треба да се смени статусот на нивните членови, односно тие да станат државни службеници и нивните примања да се зголемат.

- Не можам да ви кажам дали ќе има нови вработувања, но можам да ви кажам дека имаат некои иницијативи што ќе ги достават до Министерството. МОН ќе формира работна група која ќе ги разгледува сите овие отворени прашања, изјави Стојановски.

Министерот изјави дека тој и претседателот на МАНУ се договориле исто така и за начинот на меѓусебна комуникација