НАЈСОЧНИОТ БАКНЕЖ

[MaCkiCa`]

Совладајте ја уметноста на бакнувањето


Бакнежот - односно допирањето со усните - е еден од основните облици на контакт помеѓу луѓето. Има безброј видови бакнежи...
Тука се семејните/пријателски бакнежи во образ, џентлменски - на рака....и оној најслаткиот - љубовниот, бакнеж на уста или француски бакнеж...како и сите оние бакнежи кои самите ќе ги измислите или откриете.
Во некои делови од светот постојат и малку невообичаени бакнежи. Така на пример, маорскиот „тонги бакнеж“ подразбира притискање со носовите, додека Ескимите си ги тријат носовите еден со друг.


Славни бакнежи

Филмовите, сликите, приказните и фотографиите сведочат за некои од антологиските бакнежи. Така на пример во бајките бакнежот може да разбуди некого од стогодишен сон...или жаба да претвори во принц.
Во уметноста и литературата опишани се, насликани и снимени милиони бакнежи.

• Најверојатно најславното дело со ваков наслов е делото „Бакнеж“ на Густав Климт.
• Бакнувањето во своите песни го опеале и The Cure, Tom Vaits, Eminem, Sher, Prince и многу други (од нашите и екс-yu групите како Бајага, Халид Бешлиќ, Филм...)
• Исто така и некои музички групи го носат баш тоа име, како на пример њујоршкиот метал бенд The Kiss или пак екс-yu групата „Vatreni Poljubac“
• Првиот филмски бакнеж е прикажан во далечната 1896 и траел цели 47 секунди исто колку и целиот филм и предизвикал вистински скандал.
• Антологиските филмски бакнежи се многубројни, почнувајќи од филмовите со Чарли Чаплин, потоа преку некогаш провокативниот „Одовде до вечноста“, или „Поштарот секогаш ѕвони два пати“, па се до бакнежите кои Леонардо Ди Каприо и Кејт Винслет ги разменуваат во филмот „Титаник“.

Видови бакнежи и како истите да ги направите поинтересни


Бакнеж на рака
Посакаувате да се однесувате џентлменски? Само напред! Ова е еден од основните потези, но мора да го изведете правилно (како што тоа и џентлмените го прават). Значи нежно подигнете ја раката на дамата, наведнете се малку и нежно допрете ја нејзината рака со вашите усни.


Бакнеж на образ

Овој вид бакнеж е карактеристичен за бакнување со роднините, пријателите или во специјални прилики како што е честитање...Но зошто да не пробате и со партнерот? Доколку неговиот/нејзиниот образ сензуално го допрете со усните и се задржите малку подолго во таа положба – на овој начин ќе ја искажете длабочината на вашите чувства. И тоа на убав, детски начин.


Бакнеж на врат

Нежен, краток или долг бакнеж на вратот – сеедно. Двата претставуваат предизвик, израз дека го посакувате партнерот и добар начин да го/ја возбудите.Без разлика дали ваквиот бакнеж се случува онака во некоја секојдневна ситуација, или во некој интимен момент – секогаш ѓе биде добредојден! Пробајте.


Бакнеж на чело

Карактерисичен е за бакнување на малите деца. Сепак и овој вид на бакнеж можете да го примените на саканата особа на пример пред спиење или во моментоте кога сакате да искажете голема нежност или заштитнички став.


Бакни ме филмски!

Францускиот (филмски) бакнеж е резервиран за моментите на страст и романтичните љубовни врски. Партнерите се бакнуваат со отворена уста, при што во тоа бакнување учествува и јазикот. Овој вид на бакнување е најинтересен при што следуваат неколку совети:

• Се препорачува да се изведува со затворени очи за целото внимание да биде сконцентрирано на пределот на устата и усните.
• Покрај редовната хигиена на устата и користење гума за џвакање – пожелно е жената пред бакнувањето да го извади карминот или сјајот за усни за да не го променат или уништат пријатниот вкус на банкежот.
• Усните треба да бидат влажни, за бакнежот да биде поубав. Доволно е пред да се бакнете само да поминете со јазикот преку усните.
• Колку и да страствено и колку и да експериментирате – секогаш бидете нежни и се правете пополека.
• Не заборавајте ги рацете – тие може да се најдат на струкот на вашиот партнер, на неговото лице или тело. Во секој случај – тоа допринесува за дополнителен интензитет на емоциите и поголемо задоволство и романтика.
• И кога ќе се занесете со бакнувањето внимавајте да не се судрите со забите, протезите, носовите или очилата.
• Бакнувајте се што повеќе! На тој начин ќе оформите свој сопствен стил и ќе откриете што највеќе ви одговара вам и на вашиот моментален партнер.
• Додајте малку зачин! Во бакнежот можете да вклучите и некоја храна (предлог: крем од чоколада, мед или јагоди), тоа може да го изведете во некој неочекуван момент, на некое неочекувано место...или...ќе смислите сами што највеќе би му се допаднало на вашиот партнер.

Покрај тоа што на вашето лице се движат повеќе од 30 мускули додека се бакнувате, во истиот момент се ослободуваат хормони на чувство на емотивна поврзаност, добро расположение, задоволство, среќа. . . А како што веќе добро знаете ја забрзува и работата на срцето.
Значи бакнувањето е здраво, пријатно и ве прави среќни. Воопшто нема калории, може да се употребива било кога и било каде. И доколку веќе сте ја нашле вистинската личност – се ова ви е веќе на дофат на рака.