ФИБА даде зелено светло за ЕП во Скопје

[barba]

Делегација на ФИБА даде највисоки оценки по инспекцијата на Скопје, како град домаќин на ЕП во женска јуниорска конкуренција




Висока делегација на ФИБА Европа позитивно ги оцени новата сала „Борис Трајковски“, како и хотелите во кои ќе бидат сместени репрезентациите и судиите за Европското јуниорско првенство во женска конкуренција, кое ќе се оддржи од 6 до 15 август во Скопје.

За тоа како поминало тридневното престојување на инспекцијата во Македонија, го прашавме генералниот секретар на КФМ, Дејан Лекиќ.

- Презадоволни се од она што го нуди Скопје во целост, вклучувајќи ги салата и хотелите. Воодушевени се од социјалниот и културниот живот во градот и гостољубивоста на народот. Што се однесува до нив Европското првенство може да стартува уште утре – изјави Лекиќ за „Кирилица“.

Лекиќ ни соопшти дека оваа делегација на ФИБА повеќе нема да доаѓа на испитување во Скопје, бидејќи нема никаква потреба за тоа, со оглед на нивните највисоки оценки.