Ратко Младиќ чува овци на границата кон Македонија

[barba]

СПОРЕД ТВРДЕЊЕТО НА ВИЕНСКИОТ ВЕСНИК КРОНЕН ЦАЈТУНГ:

Младиќ во близина на границата со Македонија чува овци и е тешко болен





Поранешниот воен лидер на босанските Срби Ратко Младиќ се крие во засолниште на границата кон Македонија, на планините чува овци и е тешко болен, пишува виенскиот весник "Кронен цајтунг", пренесувајќи изјава на Србин од Виена, кој побарал анонимност.
- Ратко Младиќ се крие во еден стар Титов бункер на границата кон Македонија. Го чуваат околу 200 вооружени елитни војници. Тој таму во планина чува 150 овци, изјавил 43-годишниот Србин за весникот.
Според тврдењата на истиот извор поранешниот командант на силите на босанските Срби е многу болен и му останало уште малку живот.
"Кронен цајтунг" пишува дека неименуваниот Србин, кој живее во Виена, наводно бил телохранител на Младиќ.
Тој не сакал детално да говори за локацијата на која се крие Младиќ, бидејќи сакал да добие пари за таа информација, за која САД уште одамна најавија дека се подготвени да платат пет милиони долари. Србинот, додава весникот, наводно се состанал со претставници на Хашкиот трибунал во еден хотел во Виена, но состанокот не бил успешен.
- Сакав пари пред да го откријам тајното засолниште, изјавил тој, пренесува "Кронен цајтунг".