Папата во посета на Америка

[WondeR]

Ден пред историската 6-дневна посета на папата Бенедикт 16-ти на САД, незадоволните католици и хомосексуалците ги почнаа протестите во Вашингтон и во Њујорк. Посетата на Понтифот доаѓа во момент кога католичката црква се уште заздравува од низата педофилски скандали, во кои беа инволвирани американски свештеници. Уморни сме од неговите зборови – време е нашиот духовен водач да премине на дела, гневни се активистите заштитници на оштетените во секс скандалите, за кои црквата плати отштета од околу милијарда и пол долари:

- Децата ни се во опасност, кризата не е завршена. Има бискупи - предатори кои не водат сметка за нивните постапки, што е работа на Папата. Тој треба да ги испита нив, да ги дисиплинира и да ги отстрани од таму каде што се.

Пред својата прва посета на САД, својот глас го кренаа и хомосексуалците. Остро го осудуваат ставот на папата кој жестоко се противи на хомосексуалните бракови и правото да посвојуваат деца.

- Секаде во светот, во Африка, во Азија, нашите луѓе ги апсат, дискриминираат и ги пречекуваат со предрасуди, со нетолеранција и со насилство. Папата е против секој дел од законот кој би им дал права на лезбејската и на геј популација.

Американскиот претседател Буш одлучи да го пречека папата, како ниту еден гостин кој досега допатувал во земјата. Папата ќе биде првиот човек кој во САД бил пречекан на аеродромот Ендрус во Вашингтон. Само на церемонијата во Белата куќа ќе присуствуваат 10 илјади гости. Во САД има 64 милиони католици. Статистиките велат дека речиси секој десетти американец ја напуштил својата вера, а црквата бележи драматичен демографски прилив на католици од Латинска Америка.