Најбогати луѓе според FORBES

[Magical Storm]

Њујорк, 27 мај (МИА) - Списанието „Форбс“ ги претстави младите милијардери, како и богатите наследници на деловни империи.

Многумина од нив имале среќа да наследат голема сума пари. Таков е случајот со најбогатата Кинеска Јанг Хујан, која наследи 7,4 милијарди долари од својот татко Јанг Квок Кенга.

Ќерката на покојниот либански премиер Рафик ал Хариј, Хинд (24) наследи огромно богатство. Бидејќи стекна диплома од Либанско-американскиот универзитет во Бејрут, Хинд Харири своето внимание го насочи кон париските модни кругови.

Според Форбсовата листа, помеѓу оние кои сами заработиле астрономски суми се наоѓа најмладиот милијардер од Украина Костјантин Жеваго. Тој имаше само 19 години кога беше поставен за финансиски директор на една банка, а сега е сопственик и е „тежок“ 3,4 милијарди.

Кинезот Ксијаофенг Пенг (33) направи „бум“ на полето на соларната енергија во својата компанија „ЛДК Солар“, додека Американецот Џон Арнолд, по напуштањето на нафтената компанија „Енрон“, основаше сопствен инвестиционен фонд и сега неговото богатство изнесува милион ипол долари.



Најбогатите и веројатно најпознатите помеѓу младите, според листата на „Форбс“, се коосновачите на Интернет пребарувачот „Гугл“ Сегеј Брин и Лери Пејџ. Тие се запознале на Универзитетот Стенфорд, по што го основале пребарувачот, а сега се „тешки“ 18 милијарди долари по човек.

Додека тие работат, според „Форбс“, други милијардери опуштено го трошат своето богатство. Таков е случајот со германскиот принц Алберт вон Турн унд Таксис, кој на 18 години наследи големо богатство.

Тој сега има 24 години и поседува 75.000 хектари шума, живее во замок, а во слободно време вози брзи автомобили.