Медведев: Нема напредок меѓу Русија и САД

[WondeR]

Шефот на руската држава Дмитриј Медведев изјави дека по првите разговори со американскиот претседател Џорџ Буш на маргините на Самитот на Г-8, не е постигнат напредок за решавање на спорните прашања меѓу Русија и САД.

Медведев истакна дека на средбата со Буш било констатирано оти во односите Русија-САД не треба да има паузи, додавајќи дека Москва е заинтересирана за „нормални и конструктивни односи со САД“, независно од тоа кој ќе дојде на власт во Белата куќа.
„Во САД претстојат избори. Независно кој ќе победи на изборите, ние имаме интерес од нормални и конструктивни односи со Владата на САД“, истакна Медведев.
Според него, потребно е зајакнување на односите меѓу Русија и САД и продолжување на размената на мислења и одржувањето работни контакти.
Говорејќи за темите за кои се разговара на Самитот на Г-8, Медведев нагласи дека е потребно да се најдат нови меѓународни решенија и договори во сферата на енергетиката.
„Сегашната состојба не го задоволува никого. Веќе говоревме дека „осумката“ треба да се откаже до националните пристапи“, рече Медведев, осврнувајќи се на глобалните економски проблеми.
Тој најави дека во досегашниот тек од разговорите на Самитот на Г-8 било договорено да се формира фонд за решавање на проблемите во прехранбената индустрија и за помош на најпогодените земји од кризата со храната.