Масакар при мафијашка пресметка во Мексико

[barba]

Седумнаесет припадници на нарко-картел биле ликвидирани во меѓусебна пресметка на мафијашки групи блиску до границата со САД




Седумнаесет мексикански мафијаши, членови на познат нарко - картел биле убиени во близина на границата со САД.

Според агенциите, се работело за пресметка на непријателски мафијашки банди која се случила синоќа на границата меѓу Мексико и Калифорнија. Настраданите биле членови на картелот Арелано Феликс, од Тихуана.

Полицијата соопштила дека на местото на инцидентот биле пронајдени телата на 15 лица, додека двајца криминалци починале во болница. Шестмина се приведени, а неколку други криминалци успеале да побегнат. Се претпоставува дека двајца од убиените биле шефови на картелот. Тие биле препознаени според златото што го носеле.

Пресметките меѓу криминалците во Мексико се вообичаени и редовно завршуваат со човечки жртви. Минатата година биле извршени преку 2.500 убиства, а од почетокот на оваа година, само во Тихуана загинале 190 лица поврзани со мафијата. Вчерашниот масакар сепак е еден од најкрвавите во последно време.