ФЛОРЕНС АРТМАН ОБВИНЕТА ЗА НЕПОЧИТУВАЊЕ НА СУДОТ

[barba]

ОБЕЛОДЕНИЛА ДОВЕРЛИВИ ИНФОРМАЦИИ


Хашкиот суд денеска ја обвини Флоренс Артман, поранешната портопаролка на Главниот обвинител Карла дел Понте, за непочитување на Трибуналот.

Судот во Хаг со налог, место обвинение, ја обврза Артман да се појави пред судот на 15 септември во 15 часот.

Како што се наведува во соопштението на Трибуналот, предкривичниот совет „налага кривилно гонење за Флоренс Артаман поради свесно и намерно обелоденување информации, со што свесно го игнорирала налогот на еден судски совет“.

Во налогот се наведува дека Артман, наводно, автор на текстови објавени во 2007 и 2008 година во кои се обелоденуваат информации во врска со доверливи одлуки на Жалбениот совет на Меѓународниот кривичен суд во предметот против Слободан Милошевиќ.

Станува збор за книгата на Артман „ Мир и казна“, објавена на 10 септември 2007 година, во издание на издавачката куќа „Фламарион“ во која на страниците 120-122 се откриваат информации поврзани со одлуката на Жалбениот совет од 20 септември 2005 и 6 април 2006 година.

Двете доверливи одлуки на Жалбениот совет поврзани за двата датуми се појавуваат во написот „Скриени клучни документи за геноцидот“ кои Бошњачкиот институт ги објави на 21 јануари 2008 година, а чиј автор е Артман, се наведува во налогот на Трибуналот.