ПОСЛЕДЕН ЗБОР Слободан Илиевски-Цобе

[barba]

ПОСЛЕДЕН ЗБОР
Слободан Илиевски-Цобе

(1950-2008), фудбалер
Од далечната Америка пристигна тажна вест. На турнирот на фудбалските ветерани во мал фудбал, кој е мошне популарен во оваа држава, од срцев удар почина во Сиетл поранешниот голман на Балкан, Вардар и Тетекс, Слободан Илиевски-Цобе, кој повеќе од дваесетина години живееше во Сан Диего. Во САД замина за да настапува како професионалец за екипата Сент Луис во мал фудбал, за која заедно со него играше и поранешниот фудбалер на Хајдук, Славиша Жунгул.

Постарите љубители на фудбалот се' уште се сеќаваат на одличните одбрани на Слободан Илиевски, кој кариерата ја почна во Балкан, во времето кога чаирчаните водеа главен збор во Македонската лига и имаа одличен тим. Потоа бранеше за Вардар, за кој има одиграно 36 натпревари. Бранеше во тимот за кој во тие седумдесетите години заедно со него играа: Мечкаров, Јаневски, Диме Георгиев, Христовски, Анчевски, Шуица, Балевски, Узунов, Кочо Димитровски и М. Спасовски. Од Вардар замина во Тетекс, каде мина неколку години, беше стандарден првотимец, незаменлив на голот на „текстилците“ додека го носеше нивниот дрес.

По заминувањето од Тетекс се пресели во САД, каде направи убава кариера како голман на Сент Луис, имаше и свој бизнис со перални, често доаѓаше во Македонија иако живееше во Сан Диего за да се види со пријателите и проанешните клупски колеги.